Өзбекстан Тажикстандагы табият кырсыгынан жабыркагандарга гуманитардык жардам жөнөттү. 60 тонна азык-түлүк, курулуш материалдары жана күйүүчү май жүктөлгөн төрт «КамАЗ» 7-мартта Тажикстандын чек арасын кесип өткөнү кабарланууда.
Гуманитардык жүктү чек арадан Өзбекстандын Дүйшөмбүдөгү элчиси, Тажикстандын Өзгөчө кырдаалдар комитетинин төрагасы, Мамлекеттик резервдер комитетинин башчысы, ТИМ өкүлдөрү жана башка мамлекеттик мекемелердин кызматкерлери тосуп алышты.
Буга чейин Өзбекстандын ММКлары табигый кырсыктан жапа чеккен Тажикстан элине жардам жөнөтүү тапшырмасын президент Шавкат Мирзиёев жеке өзү бергенин кабарлашкан.
Тажикстанда жыл башынан бери 20дан ашык адам калың жааган кардын жана кар көчкүсүнүн курмандыгы болду.
Булак: Борбор Азия жаңылыктар кызматы
КОММЕНТАРИЙ КАЛТЫРУУ