Бирдиктүү орусиялык улут тууралуу мыйзам долбоорунун аталышы өзгөртүлдү. Документти даярдоо боюнча жумушчу топтун жетекчиси Валерий Тишковдун «Коммерсант» гезитине билдиришинче, азырынча коом бардык улуттарды бириктирген ал түшүнүктүн идеясын кабыл алууга даяр эмес.
Мыйзам долбоорунун жаңы аталышы «Мамлекеттик-улуттук саясаттын негиздери тууралуу» деп аталат.
Бирдиктүү саясий улуттун концепциясына карата нааразылыктарын улуттук республикалардын өкүлдөрү билдиришкен. Алар орусиялык улут орустардын улуту болуп калат деген тынчсызданууларын айтышкан.
Мыйзамдын жаңы концепциясы 2017-жылдын апрелине карата даяр болушу керек. Тишковдун айтымында, анда негизги түшүнүктөр жазылып, федералдык жана жергиликтүү бийликтин ыйгарым укуктары анык көрсөтүлөт, ошондой эле этноконфессионалдык мамилелергө байкоо салуу системасы аныкталат.
Мыйзам долбоорун 2017-жылдын 1-апрелине чейин даярдоону Орусия президенти Владимир Путин жеке өзү тапшырган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ