9-март күнү түнчүндө «Тажик Эйр» авиакомпаниясынын учагы техникалык мүчүлүштүктөргө байланыштуу Ходжент шаарындагы эл аралык аэропортко авариялык конуу жасады. Аэропорттун өкүлдөрү жабыркагандар жок экенин билдиришти.
Окуянын күбөлөрүнүн бири аэропортто өзгөчө абал жарыяланып, ал жакка шашылыш түрдө укук коргоо органдары, өрт өчүрүүчүлөр жана тез жардам кызматы барганын билдирди.
Ходжент аэропортунун маалымдоо бюросу «Тажик Эйр» авиакомпаниясынын Ходжент-Москва каттамын аткарып жаткан учагы аба майданда авариялык конуу жасаганын ырастады. “Бардыгы жакшы аяктады. Учактагы 140 жүргүнчү жана экипаж мүчөлөрүнүн эч кимиси жабыркаган жок”, – деди аэропорттун кызматкери.
Анын айтымында, учкучтар абага көтөрүлөрү менен техникалык мүчүлүштүктөр бар экенин аныкташып, кайра Ходжент шаарынын аэропортуна конууну чечишкен.
«Тажик Эйрдин» лайнери эки саат бою Ходженттин үстүнөн айланып учканы кабарланууда. Нускамага ылайык, авария болгон учурда учак жарылып кетпеши үчүн учкучтарга күйүүчү майды жагууга туура келген.
Булак: Борбор Азия жаңылыктар кызматы
КОММЕНТАРИЙ КАЛТЫРУУ