Караганда шаардык соту терроризм тууралуу жалган маалымат берген мугалим Юрий Пактын камактагы мөөнөтүн беш ай, он күнгө кыскартты. Мындай чечим бийлик тарабынан өлкөнүн эгемендүүлүгүнүн 25 жылдыгына карата жарыяланган мунапыстын алкагында кабыл алынды.
Азырынча соттун токтому мыйзамдуу күчүнө кире элек.
2016-жылы октябрда карагандалык физика мугалими Юрий Пак шаардын борбордук дүкөнүндө мина коюлгандыгы тууралуу жалган билдирүү жасаган деген айып менен эки жылга эркинен ажыратылган. Соттолгон мугалим айыптоолорду четке кагып, апелляциялык сотко даттанган, бирок ал шаардык соттун чечимин күчүндө калтырган.
Эки жылга соттолгон Юрий Пактын камактагы калган мөөнөтүн кыскартуу сунушу сотко 3-мартта жөнөтүлгөн. Мурдараак анын жубайы Ольга Пак социалдык түйүндөр аркылуу коомчулукка кайрылып, мунапыс берүүдөгү тоскоолдуктар менен кечеңдетүүлөргө даттанган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ