Калп айткан менен болобу ЖКнын 5-чакырылышында журналист журтчулугунун айрым өкүлдөрүн, айрым партиялар арасына кошуп келишти. Башкаларында бирден журналист болсо, басымдуу бөлүгү азыркы бийликтин СДПК партиясы менен эл өкүлү болуп келишти эле. Алар Ырыскелди Момбеков, Жанарбек Акаев жана Жылдыз Мусабековалар. Эми сүткө оозу күйгөн, айранды үйлөп ичет дегендей Атамбаев агынан жарылганы бекеринен эмес. Маалымат айдыңынын өкүлдөрү партияга “дзот” болуп берет деген үмүттө, алардан үгүт иштерине бир тыйын сурабай алдыңкы тизме менен алдыга салып келишпеди беле. Ошентсе Жылдыз айым, керектүү учурда дайыны жок. Орустар айтмакчы, “керектүү кезде, туура эмес жерде” болуп жүрөт. Ал эми “балашка” Жанар мырза каратып туруп партиялаштарын сатып кетти. Тагыраагы, “Ата Мекен” партиясына ачык эле иштеп жатканын көрүүгө болот. Мунусу кафеде бир столго олтуруп алып, коңшу столдун ашына көз арткандай эле болуп жатпайбы. Бирок, баардык ишеничти Ырыскелди мырза жалгыз өзү актап жатат. Тандаган партиясына берилгендигин көргөзүп, өз жүзүн сактап келүүдө. Башкаларчылап эки түрлүү маска кийген жок. Ошентсе дагы кийинки шайлоолордо, бир гана СДПК эмес, башка дагы саясий партиялар ММК өкүлдөрүн, кесиптештерибизди катарына кошуудан качып калышпас бекен. Журналистикадан депутаттыкка барууну мода кылгандардын алгачкы каркыралары минтип оппозиция айкырып койсо, штанын булгап, алардын ырын ырдаса. Бияктан позициясы бакырып койсо алардын бийин бийлеп жатса…
Булак: “Ачык саясат”
Menu
КОММЕНТАРИЙ КАЛТЫРУУ