Казакстан 2018-жылы январда өтө турган Коопсуздук Кеңешинде төрагалык кылат. Бул тууралуу Казакстандын тышкы иштер министри Кайрат Абдрахманов билдирди. Дипломаттын айтымында, жыйын учурунда Борбор Азия жана Ооганстан боюнча резолюция же билдирүү кабыл алынышы мүмкүн. Төрагалык ай сайын алмашып турат. Казакстан Коопсуздук Кеңешинин туруктуу эмес мүчөсү.
БУУнун Коопсуздук Кеңешинин вето коюу укугуна ээ беш мүчөсү бар. Алар – АКШ, Орусия, Кытай, Улуу Британия жана Франция. Мындан тышкары эки жылдык мөөнөткө шайланган 10 туруктуу эмес мүчөгө ээ. Мартта төрагалык Украинадан Улуу Британияга өттү.
Казакстан БУУнун Коопсуздук Кеңешинин ишине 2017-жылы 1-январдан тарта киришкен. 2-мартта Казакстандын БУУдагы мүчөлүгүнө 25 жыл толду.
Булак: Борбор Азия жаңылыктар кызматы
КОММЕНТАРИЙ КАЛТЫРУУ