Өзбекстанда Нооруз майрамынын алдында өкмөттүн көрсөтмөсү менен 11-12-мартта өлкөнүн бардык аймагында жалпы улуттук ашар өттү.
Ашарга 22 миллиондон ашуун киши катышты. Алар гүлбактарды, көчөлөрдү, короолорду тазалашты. Uzbekistan Today маалымат агенттиги кабарлагандай, ондогон чакырым узундуктагы арыктар жана дренаждык системалар тазаланып, 22 миллиондон ашуун бак-дарак тегизделип, акталды.
Бул күндөрү салт боюнча кары-картаңдарга жана майыптарга, согуштун катышуучуларына, жетимдерге жана аз камсыз үй-бүлөлөргө материалдык жардам көрсөтүлдү.
Өзбекстанда ашарлар Нооруз жана Эгемендүүлүк майрамдарынын алдында жыл сайын уюштурулат.
Булак: Борбор Азия жаңылыктар кызматы
КОММЕНТАРИЙ КАЛТЫРУУ