Татарстанда Орусиянын аймагында террордук деп табылган “Хизб ут-Тахрир” уюмуна мүчө деген шек менен 15 киши кармалды. Мындай маалымат республика ИИМинин сайтына жарыяланды.
Тинтүү иштери өлкөнүн бир канча аймагындагы жана Казан, Бугулме шаарларындагы отуз дарек боюнча жүргүзүлгөн. Анда көптөгөн тыюу салынган адабияттар, “Хизб-ут-Тахрирдин”желектери, террордук уюмга тартылган адамдар тууралуу жазылган дептерлер, ошондой эле отчеттук документтер табылган. ИИМ алынган отчеттук материалдар «өлкөдөгү мусулмандар арасында антиконституциялык иштер бар экенин» ырастаганын белгиледи.
Учурда Татарстандын тергөө органдары тарабынан «террордук уюмга» мүчө болуу жана анын ишмердүүлүгүнө катышуу боюнча 13 кылмыш иши козголду.
Орусияда “Хизб ут-Тахрир” ислам партиясы соттун чечими менен террорук уюм деп табылган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ