«Алматы-2» темир жол бекетинде «Алматы-Ташкент» каттамынын салтанаттуу ачылышы болуп, эл аралык жүргүнчү ташуучу жаңы поезд жолго чыкты. Бул тууралуу казакстандык маалымат каражаттары жазышты.
29 вагондон турган поезд Алматыдан ар дүйшөмбү жана ишемби, Ташкенттен – ар шейшемби жана жекшемби күндөрү жолго чыгып турат. Каттамдын узактыгы – 16 саат 30 мүнөттү түзүп, жолдон поезд Отар, Шу, Тараз, Шымкент жана Сарыагаш деген беш гана станцияга токтойт.
Каттамды ачуу салтанатында «Казакстан темир жолу» улуттук компаниясынын вице-президенти Эрик Имашев эки өлкө борборлорунун ортосундагы темир жол каттамы «мамлекет башчылардын акылдуу саясатынын жыйынтыгында» ачылып жатканын билдирди.
Казакстанга Өзбекстан президенти Шавкат Мирзиёев 22-мартта расмий сапары менен барган.
Булак: Борбор Азия жаңылыктар кызматы
КОММЕНТАРИЙ КАЛТЫРУУ