Menu

ЕБ Орусиядагы антикоррупциялык акция маалында кармалгандарды бошотууну талап кылды

Бөлүшүү:

Европа биримдиги Орусия бийлигин 26-мартта өткөн антикоррупциялык акциянын кармалган бардык катышуучуларын тез арада бошотууга чакырды. ЕБдин Орусияга жолдогон билдирүүсүндө полиция өлкөнүн баш мыйзамында бекитилген сөз эркиндиги жана тынч жыйындарды өткөрүү эркиндигине тоскоолдуктарды жаратканы айтылат.

Евробиримдик орус бийлигин эл аралык милдеттенмелерин толук сактоого, адам укуктарын сыйлоого жана кармалган тынчтык митингинин катышуучуларын тез арада бошотууга чакырды. Орусиядагы нааразылык акциялардын катышуучуларынын кармалышын АКШ да айыптады.

Кремль ЕБ менен АКШнын билдирүүлөрүн «көңүлгө алуудан» баш тартты. Жооп катары Орусия президентинин басма сөз катчысы Дмитрий Песков “Европа Кеңешиндеги милдеттенмелер өлкөнүн ички мыйзамдарын бузуу зарыл дегенди билдирбейт”, – деди.

26-мартта Алексей Навальный тарабынан уюштурулган жемкорлукка каршы акциялар Орусиянын ондогон шаарларында өткөн. Бирок алардын көбүнө жергиликтүү бийлик тарабынан уруксат берилген эмес. Митингдердин жүрүшүндө жалпысынан бир нече миң кишинин кармалгандыгы кабарланууда. Навальныйдын өзү жана башка активисттер түрдүү айыптар менен 15 суткага камалышты.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 3 + 5 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: