Түркмөнстан бийлиги ушул жылдын сентябрында Ашхабадда өтө турган Азия-2017 оюндарынын расмий талисманынын сүрөтүн өзгөрттү. 26-мартта жаңы сүрөт коомчулукка тааныштырылып, V Азия оюндарынын уюштуруу комитети тарабынан бекитилди.
Түркмөнстанда өтчү эл аралык ири спорттук мелдештин башкы символундагы сүрөт өлкө президентинин сынына кабылгандан бир жума өткөндөн кийин өзгөртүлдү.
Оюндардын буга чейинки расмий талисманы январдын башында бекитилген. Анда мамлекеттик ММКлар оюндардын талисманы – шайыр, меймандос балтек — спорттук иш-чарада баарынын сүймөнчүлүгүнө айланышы керектигин белгилешкен. Ошондой эле алар кызыл түстөгү улуттук чапан, топу жана спорттук кийим кийгизилген жашыл түстүү алабайдын сүрөтү улуттук оймо-чиймелердин негизинде, бирок заманбап дизайнда даярдалганын билдиришкен.
Талисмандын жаңы версиясында да түркмөн алабайы түшүрүлгөн. Күчүккө кийгизилген улуттук чапан менен топу калтырылып, бирок анын денесиндеги жашыл түсү өзгөртүлгөн.
Азия-2017 оюндарына дүйнөнүн 60тан ашык өлкөсүнөн спортчулар келип, спорттун 21 түрү боюнча мелдештер өтөт.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ