– Сот чечими боюнча сиздин 8 сааттык кара жумушка кесилгениңиз чынбы?
– Жок, андай эмес. Сот чечими өзүмдүн колумда турат, жөн гана 1500 сом өлчөмүңдө айып пул салынды. Айрым маалымат булактар кара жумушка тартылды, 5 суткага камакка алынды деп жазып чыгышыптыр. Бул чечим чын болсо жүрбөйт белем көчө шыпырып, кадимкидей эле иштеп жүрөм. Ал эми 1500 сомду төлөгөн жокмун. Анткени эч кандай күнөөм жок. Митинг болуп жаткан жерге Садыр Жапаровду колдоо үчүн барган жокмун, укук коргоочу катары карапайым калк тынч митингге чыгып жаткандан кийин милиция кызматкерлери менен кагылышуу болуп кетпесин, адамдар бири-бирине кол салбасын, адамдардын укугу тебеленбесин, зордук-зомбулук болбосун, кан төгүлбөсүн деп мониторинг жүргүзүү үчүн баргам. Садыр Жапаровдун кишилерине жолугуп, «милицияга тийбегиле, бул жерде турбагыла, буктурма жасалып кармап алышы мүмкүн» десем, такыр болбой коюшту. Анан кагылышуу болуп кетпедиби. Ал жерде катышкандар менен жөн өтүп бараткан кишилерди, карап тургандарды, бизди кошуп кармап кетти. Ошентип, бизди Биринчи май РИИБине алып барышты. Ал жердин начальниги мени көрүп «Бул кишини эмнеге кармап келдиңер, канча жылдан бери силердин укугуңарды коргоп жүрөт» деп урушту. Негизи РИИБге түшкөндөн кийин эреже боюнча жөн эле кетирип жиберишпейт экен, ошого байланыпггуу мага 1500 сом айып пул салынды. Ал жерден ошол күнү кечирээк чыктым, себеби, ал жердеги түшкөн балдарды таштап кете албадым. Ал эми мага карата салынган айып пул үчүн адвокаттарым шаардык сотко арызданып жатышат.
Булак: “ПолитКлиника”
КОММЕНТАРИЙ КАЛТЫРУУ