Бир ай мурун жабылып калган Ашхабаддагы “А-Маркет” супермаркети “Рухыбелент” деген ат менен кайрадан ачылды. Соода борбору “Түркмөнстан өндүрүшчүлөрү жана ишкерлери бирикмесинин” мүчөсү, сок чыгарган “Рухыбелент” компаниясына таандык.
“Азаттыктын” түркмөн кызматынын маалыматы боюнча супермаркеттин мурдагы кожоюну Довлет Атаев февралда 25 жылга түрмөгө кесилген.
Супермаркет кандай жол менен жаңы кожоюнга өткөндүгү тууралуу маалыматтар жок.
“А-Маркеттин” ээси, бизнесмен Атаев былтыр октябрда динаятчы Фетхуллах Гүлендин “Хизмет” кыймылы менен байланышта деп шектелип кармалган. Гүлен 2016-жылы Түркиядагы аскердик төңкөрүш аракетин уюштурууга айыпталууда.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ