Жакынкы убактарда Ravon өзбек брендинин моделдик катары кеңейтилет. Бул тууралуу компаниянын башкы директору Шараф Ашуровго шилтеме кылып орусиялык ММКлар жазышты.
Ашуровдун айтымында, автоунаанын дароо эки үлгүсү пайда болот. Алгач С-классындагы анча кымбат эмес үлгүсү көрсөтүлөт деп күтүлүүдө. Ravon Орусияда кеңири белгилүү болгон Chevrolet Cruze унаасынын биринчи муундагы үлгүсүн чыгара башташы мүмкүн деген божомолдор айтылууда.
Белгилүү болгондой, АКШда экинчи муундагы Chevrolet Cruze унаасынын жаңы үлгүсү сатылууда. Анын мурдагы муундагы үлгүлөрү Ravon деген аталыш менен чыгат. Жергиликтүү ММКлардын маалыматына караганда, Өзбекстан Chevrolet Cruze үлгүсүнүн хэтчбек, седан жана универсал түрлөрүн чыгарышы мүмкүн.
Чыгарыла турган экинчи үлгүсү B-SUV сегментиндеги компакттуу Ravon унаасы болот. Мында кеп кайра өзгөртүлүп жасалган Chevrolet Tracker тууралуу болууда. Болжолдуу маалыматтар боюнча ал 140 аттын күчүнө ээ болгон 1,8 литрлик бензин мотору менен сунушталышы мүмкүн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ