Алматыда банктын акчасын уурдаган жана мыйзамсыз пайдаланган деп айыпталып жаткан БТА банктын мурдагы топ-менеджерлеринин иши боюнча негизги соттук териштирүүлөр башталды.
3-апрелде өткөн сот отурумуна бозгунда жүргөн банктын мурдагы башчысы Мухтар Аблязов катышкан жок. Анын атынан мамлекеттик адвокат Анжелика Ажигулова катышты. Ал 17-мартта өткөн болжолдуу угуулар маалында учурда Аблязовдун кайсыл жакта экенин билбей турганын айткан.
Жергиликтүү маалымат каражаттары кабарлашкандай, соттун жүрүшүндө январда Түркиядан Казакстанга экстрадицияланган банктын төрагасынын биринчи орун басары Жаксылык Жаримбетов күнөөсүн толугу менен моюнуна алды, ал эми насыя берүү бөлүмүнүн мурунку жетекчиси Кайрат Садыков менен башкаруу бөлүмүнүн мурдагы төрагасы Садуакас Мамеш жарым-жартылай күнөөлөрү бар экенин айтышты.
Мухтар Аблязов дарегине айтылган айыптоолорду бир канча жолу четке кагып, кылмыш иши саясий негизде козголгонун билдирген. Ал Казакстандын бийлигин ошол кезде активдеринин көптүгү жагынан өлкөдөгү эң ири коммерциялык банк эсептелген БТА банкты тартып алууга айыптоодо.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ