1- апрель күнү Бишкектеги Октябрь райондук ИИБнин милиция кызматкерлери өлөөрчө аракка тоюп алып, “мерседес” үлгүсүндөгү машинени катуу ылдамдыкта айдап баратып “Ала-Too” аянтындагы темир шиттерди сүзүп, андан ары барып жол жээгинде токтоп турган машинени сүзүп, бирок токтоп койбостон жолун улап, окуя болгон жерден из жашырууга аракет кылганы тууралуу маалымат редакциябызга келип түштү. Маалым болгондой, ал күнү ал милициялар мас экен. Жол жээгиндеги машинени сүзөөрү менен эле качып жөнөшүптүр. Машинеси сүзүлгөн жигит дагы эр экен, артынан калбай кууп жөнөгөн экен. Кууп баратып МАИге кабарлап, МАИ-лер жетип барып, НТС телеканалынын “ТВ кайгуул” көрсөтүүсүнүн журналисттери келип, айтор бир топ ызы-чуу болуптур. Тартипти сактайт деп биз ишенген милициялар өздөрү тартип бузуп ээн баштык кылганы кандай?
Булак: “Фабула”
КОММЕНТАРИЙ КАЛТЫРУУ