Menu

Укук, бизнес, билим берүү академиясынын студенттерине судья лекция өттү

Бөлүшүү:

2017-жылдын 29-мартында Жалал-Абад шаарындагы Укук, бизнес, билим берүү академиясынын студенттерине “Экономикалык иштерди кароонун негизги маселелери” темасында лекцияны Жалал-Абад областынын райондор аралык сотунун төрагасы Мажитов Бакыт Омурзакович өткөрдү. Бул тууралуу Жалал-Абад областтык сотунун пресс-кызматы маалымдады.

Областтын райондор аралык сотунун төрагасы Б. Мажитов теманы студенттерге түшүндүрүп, экономикалык иштерди кароодо теориялык билим практикада кантип ишке ашаарын, тараптардын сотко берген далилдерине жана жүйөлөрүнө мыйзамдын талаптарында көрсөтүлгөндөй кантип баа берилип, чечим кабыл алынаары тууралуу маалымат берди.

Студенттер лекцияда өздөрүнүн суроолорун беришип, экономикалык талаш-тартыштын пайда болуусунун себебин, жеке ишкерлердин жана юридикалык жактардын кандай укуктарын жана эркиндиктерин райондор аралык соту коргогондугу жөнүндө жоопторун алышты.

Бул күнү белгиленген темадан сырткары, төрага Б. Мажитов студенттерге жаш кезинен эле мыйзамды сактоого жана сыйлоого чакырып, коомдогу ар кандай терс көрүнүштөгү топторго кошулбоого жана мыйзамдарды бузгандыктын кесепеттери тууралуу маек куруп берди.

​                                              ​

​                                              ​

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 36 + = 44

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: