Өткөн аптанын соңунда Хорезм облусунда 15 жаштагы окуучусунун боюнда бар экенин жашырууга аракет кылган мектеп жетекчилиги жана дарыгерлер жумуштан алынды. Кыздын өзүнүн айтымында, аны коңшусу зордуктаган. Учурда кыз психологдордун көзөмөлүндө. Окуя боюнча кылмыш иши козголду.
Хорезм облусунун Элдик билим берүү башкармалыгынан билдиришкендей, мектеп жетекчилиги окуучусунун мындай абалын жашырып жүргөн. Окуя дарыгерлер кыздын алты айлык боюнда бар экенин аныкташкандан кийин гана белгилүү болгон. Бул аралыкта кыз бир канча жолу өз жанын кыюуга аракет кылган.
Мекеменин маалыматына караганда, бул окуядан кийин мектеп директорунун эки орун басары, кыздын класс жетекчиси жана мектептин психологу жумуштан алынды. Учурда мектептин директорун да кызматтан алуу сунушталууда.
Мугалимдер мектептин беделине зыян келтирбеш үчүн окуяны жашырып койгондугу айтылууда.
Өткөн жылы Хорезмдин Шават районунда окуучу кыз бир тууган агасынан боюнда болуп калгандан кийин өлкөдөгү мектеп директорлору арасында түшүндүү иштери жүргүзүлгөн.
Зордукталган мектеп окуучусу кийинки аптада көз жарышы керек. Анын ата-энесине карата кандай жаза көрүлгөнү маалымдала элек.
Булак: “Борбор Азия жаңылыктар кызматы“
КОММЕНТАРИЙ КАЛТЫРУУ