Бириккен Улуттар Уюмунун Аскердик кылмыштар боюнча эксперттери Сириянын Идлиб провинциясында кеминде эле 58 адамдын өмүрүн алган химиялык чабуул тууралуу маалыматты иликтейт.
БУУнун Аскердик кылмыштар боюнча комиссиясы 4-апрелде Идлибде химиялык курал колдонуу ыктымалдыгын айыптап, окуяны иликтөө башталганын кабарлады.
БУУнун Сирия боюнча атайын чабарманы Стаффан де Мистура бардык белгилери боюнча химиялык чабуул аба аркылуу жасалганын билдирди.
Бүгүн, 5-апрелде БУУнун Коргонуу Кеңеши бул боюнча чукул жыйын өткөрөт. Британ мониторинг тобунун маалыматтары боюнча 4-апрелде Сирия өкмөтүнүн же орусиялык учактардын Хан-Шейхундагы аба соккуларынан кеминде 58 киши өлдү, алардын арасында 11 бала бар.
Орусиянын Коргоо министрлиги Идлибде аба соккуларын жасабаганын маалымдады. Сирия президенти Башар Асад химиялык курал колдонулганын четке кагып, бул үчүн козголоңчуларды күнөөлөөдө.
Буга чейин БУУнун иликтөөчүлөрү Башар Асаддын аскерлери 2014-2015-жылдар аралыгында жок дегенде үч жолу хлорин химиялык заты курал катары колдонулган деген тыянакка келген.
Евробиримдиктин тышкы саясат боюнча жогорку комиссары Федерика Могерини химиялык чабуул жасагандар жоопко тартылышы керектигин айтты:
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ