Иран бажы кызматы Тажикстандын Транспорт министрлиги Түркиядан сатып алган жүргүнчү ташуучу 40 жаңы автобусту чек арадан өткөрдү. Автобустар Ирандын «Бозаргон» чек ара бекетинде кармалган. Иран тарап анын себептери боюнча дагы деле эч кандай маалымат бере элек.
Тажикстандын Транспорт министрлиги мында эч кандай саясаттын жоктугун, жүргүнчү ташый турган жаңы автобустар «техникалык себептерден» улам кармалганын билдирди. Мекеменин маалыматы боюнча эки тараптын сүйлөшүүсүнөн кийин автобустардын Тажикстан тарапка өтүүсүнө уруксат берилди.
Дүйшөмбү мэриясынан кабарлашкандай, жаңы автобустар жуманын аягына чейин шаарга келет. Калаа көчөлөрүндөгү абалды жакшыртуу максатында Түркиядан жалпысынан 600 жүргүнчү ташуучу автобус сатып алган.
Тажикстан президентинин улуу баласы Рустами Эмомали Дүйшөмбүнүн мэри болгондон тарта эле борбордогу транспорт кыймылын тартипке салууга киришкен. Шаардагы жол кыймылынын реформасы кичи автобустардын Негмат Карабаев көчөсүндө жүрүүсүнө тыюу салуу менен башталган. Учурда ал көчөдө автобустар жана троллейбустар жүрүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ