Буга чейин белгилүү болгондой, бир катар жогорку эшелондогу чиновниктерге иш козголгону эсибизде. Башкы прокуратура 5-апрелде борборубуздун ортосунда жайгашкан Саламаттыкты сактоо министрлигинин алдындагы Улуттук госпиталдын жетекчилигине, кылмыш кодексинин 171-берене (берилген мүлктү өзүм билемдик менен коротуу), 304-берене (кызмат абалынан кыянаттык менен пайдалануу) жана 166-берене (алдамчылык) боюнча кылмыш ишин козгогону белгилүү болду. Башкы прокуратуранын берген маалыматына таянсак, Башкы көзөмөлдөөчү орган УКМКнын Коррупцияга каршы кызматынын госпиталдагы коррупция боюнча берген материалдарын текшерип көрүшкөн. Текшерүүдө, аталган оорукананын жетекчилиги буга чейин госпиталда эч иштебеген жана жумуштан бошотулган кызматкерлердин банктык эсептерине айлык-маяна катары акча которуу жолу менен акча жеп келишкендиги далилденген. Болжол менен кымырылган акча 883 миң, 746 сомду түзгөн. Эске сала кетсек, бул мекемени 2014-жылдын ноябрь айынан бери мурдагы Саламаттыкты сактоо министри Динара Сагинбаева жетектеп келет.
Булак: “Фабула”
КОММЕНТАРИЙ КАЛТЫРУУ