Тажикстандын Исфара шаарында «мыйзамсыз акча алмаштыруу менен алектенген» ишкер Нурулло Музаффаровдун үйүнө белгисиз адамдар кирип, күч колдонуу менен 60 миң долларын алып кетишти. Бул тууралуу Согди облустук Ички иштер башкармалыгынан билдиришти.
Окуя 8-апрелден 9-апрелге оогон түнү болуп, карактоодон кийин үй ээлери ооруканага жеткирилген.
Укук коргоо органдары азырынча кылмышкерлердин изине түшүү мүмкүн болбогонун билдиришүүдө. Бул факты боюнча «ири суммадагы акча карактоо» беренеси менен кылмыш иши козголду. Кылмышкерлерди колго түшүрүү үчүн милиция тарабынан атайын топ түзүлүп, тергөө иштери уланууда.
Жергиликтүү бийликтин маалыматына караганда, Нурулло Музаффаров ишкерлик менен алектенип, жеке жактардын акча алмаштыруу ишмердүүлүгүнө тыюу салынганга чейин ошол тармакта иштеп келген. Бирок укук коргоо органдарынын расмий билдирүүсүндө 45 жаштагы ишкер «жумушсуз» адам катары көрсөтүлгөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ