Menu

Өзбекстанда чыккынчылыкка айыпталган полковник эркиндикке чыкты

Бөлүшүү:

2010-жылы мамлекетке чыккынчылык кылган деген айып менен 15 жылга эркинен ажыратылган Өзбекстандын Коргоо министрлигинин 63 жаштагы жогорку аткаминери Александр Мокеев эркиндикке чыкты. Бул тууралуу Uzmetronom интернет басылмасы билдирди. Мекеменин куралдуу күчтөр башкармалыгын жетектеген полковник армияда 38 жыл кызмат өтөгөндөн кийин пенсияга чыккан.

Басылманын маалыматына караганда, өлкөнүн Жогорку соту Александр Мокеевди эркиндикке чыгарып, бирок ага тагылган айыптарды алган жок. Александр Мокеев 2010-жылдын февралында камалып, ошол эле жылдын августунда Коргоо министрлигинин жогорку кызматтагы адамдары, анын ичинде эки генералы менен биргеликте сот тарабынан мамлекетке чыккынчылык кылган деп табылган.

Маалыматка ылайык, Өзбекстан делегациясы 2002-жылы АКШнын West Point академиясына барган маалда Кошмо Штаттардын тыңчысы Мокеевди кызматташууга көндүргөн. Полковник Өзбекстандын аскердик сырларын америкалык тыңчыларга берген деп айыпталган.

Абакта жатканда Александр Мокеев бир канча жолу мурдагы жана азыркы президентке күнөөсү жок экендигин билдирип, эркиндикке чыгарууну өтүнгөн каттарды жазган.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 60 − = 54

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: