Тажикстан бийлиги соңку жарым жылда террордук топторду жактоого шектелген 100дөй шектүү кишинин тизмесин Орусияга берди.
Тажикстандын укук коргоо органдарындагы булак билдиргендей, бул жарандар Орусияда жашашат жана “Ислам мамлекети” экстремисттик тобуна жан тартуучулар болуп эсептелет. “Террорчуларга ыктаган шектүүлөрдүн көбүнүн жашаган жерлери белгилүү, айрымдары тууралуу азырынча маалымат жок – алар Орусияда, бирок кайсы аймагында жашашары белгисиз”, -деди өз булак.
Тажик бийлиги Орусиядан тизмеге кирген жарандарды көзөмөлдөөнү күчөтүүнү суроодо.
ФСБ башчысы Александр Бортников 10-апрелде Орусиядагы террордук топтордун негизин КМШ өлкөлөрүнөн –Өзбекстан, Кыргызстан, Тажикстан жана башка мамлекеттерден келген эмгек мигранттары түзөрүн билдирген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ