Бишкектин Биринчи май райондук соту 17-апрелдеги отурумунда “Бийликти күч менен басып алууга аракет жасаган” деген айып менен камакка алынган оппозиция өкүлдөрүнө өкүм чыгарды.
Белгилүү болгондой, Эрнест Карыбековду 20 жылга, Кубанычбек Кадыров менен Бектур Асановду 12 жылга эркинен ажыратууга, Дастан Сарыгуловду төрт жыл шарттуу камоо боюнча өкүмүн угузду.
Эскерте кетсек, саясатчылар Бектур Асанов менен Кубанычбек Кадыров былтыр 24-мартта “бийликти күч менен басып алууга” шектелип кармалган. Андан кийин ушундай эле кине менен эксперт Эрнест Карыбеков, ага насаатчы болгон деп коомдук ишмер Дастан Сарыгулов кийинчерээк камакка алынган болчу. Саясатчыларды камакка алууга, алар бийликти басып алууну уюштурган деген негизде жазылып алынган үндөрдүн жарыяланышы негиз болгон.
Булак: “Фабула”
КОММЕНТАРИЙ КАЛТЫРУУ