17-апрель күнү таң эрте “Манас” эл аралык аэропортунан Бишкек- Дубай каттамы аркылуу Дубайга учуп кетүүнү көздөп жаткан үч араб атуулу кармалды. Алар Канаданын жараны деген жасалма виза ачтырып алышкан экен. Арам ойлору ишке ашпай, кайра Бишкекте калышты. Укук коргоо органдары эми акчасын алып үчөөнү тең коё берип жибербей, экинчи мындай кадамдарга барбагыдай кылып жазаласа экен. Ушуну менен ушундай жасалма виза, жасалма паспорт менен канча жаран колго түштү. Бирөө дагы башкаларга сабак болбой койду го. Же биздин жасалма паспорт менен жасалма визаны жасаган коррупционерлер тыйылбады. Тыйылат эле, эгер соттор, укук коргоо органдары оз милдеттерин так аткарышса. Кармап, кайра акчасын алып коё берип жатса балээнин тыйылганыбы? Эми арабдарды эле жазалабастан, берки жасалма виза жасагандарды да жазалашса жакшы болбойт беле, ай антишпейт го…
Булак: “Фабула”
КОММЕНТАРИЙ КАЛТЫРУУ