Дүйшөмбүдө тажик-өзбек бизнес форуму өтүп, кызматташуу боюнча 10 документке кол коюлду. Алардын басымдуу бөлүгү өзбек автомобиль өндүрүшүнө тиешелүү.
Форумга эки өлкөдөн 500гө чукул ишкер катышты. Иш-чаранын алкагында өзбек өндүрүшүнөн чыккан товарлардын көргөзмөсү өтүп, 1500дөн ашуун аталыштагы продукциялар коюлду.
Форумдун максаты – соода алакаларын жакшыртуу, машина куруу, энергетика, тоо-кен өндүрүшү, курулуш, саламаттыкты сактоо, билим берүү жана туризм тармагында биргелешкен ишканаларды түзүү болуп саналат. 2016-жылы Тажикстан менен Өзбекстандын ортосундагы товар жүгүртүү алты эсеге көбөйүп, 70 миллион долларды түзгөн.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ