Евробиримдиктин тышкы саясат жана коопсуздук боюнча төрагасы Федерика Могерини Украинанын Луганск облусундагы ЕККУнун байкоочусунун өлүмүнө күнөөлүүлөрдү жоопко тартууну талап кылды.
Могерини билдирүүсүндө Украинанын Чыгышындагы жаңжалды тынч жол менен чечүү зарылдыгын билдирди. Ал маркумдун үй-бүлөсүнө көңүл айтып, окуядан жабыр тарткандардын тез арада сакайып кетишин каалады.
Жекшемби күнү таңга маал Киевге баш ийбеген Пришиб айлында ЕККУнун атайын мониторинг миссиясынын кызматкери набыт кеткен, экөө жаракат алган. Маалыматтарга караганда, байкоочулардын унаасы жолго коюлган минага кабылган.
ЕККУ маркум АКШ жараны экенин маалымдады.
Украин өкмөтү жана жикчилдердин ортосунда 2014-жылдын жазында тутанган кармаштан баш-аягы оң миңдей адам мерт болду.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ