Menu

Өзбекстан Казакстандын айыл чарба азыктары үчүн акциз салыктарын төмөндөттү

Бөлүшүү:

Өзбекстан 1-апрелден тарта Казакстандан алынып келинген айыл чарба азыктары үчүн алынчу акциз салыктарын төмөндөттү. Бул тууралуу Казакстандын Айыл чарба министрлигинин басма сөз кызматынан билдиришти. Тараптар мындай чечимге Өзбекстан президенти Шавкат Мирзиёевдин ушул жылдын мартындагы Казакстанга болгон расмий сапары маалында жетишкен.

«Өзбекстанга жеткирилчү төмөнкү айыл чарба азыктары үчүн акциздик салыктар төмөндөтүлдү: буудай унуна 55%, (11ден 5% чейин); күн карама жана өсүмдүк майына 2 эсеге, (20дан 10% чейин); уксус кошулбаган консерваланган жашылчаларга 5 эсе (50дөн 10% чейин); мөмө-жемиш ширелерине 2,3 эсе (70тен 30% чейин); соустарды даярдоо үчүн керек болгон азыктар менен даяр соустардын өзүнө 2,8 эсе (70тен 25% чейин)», – деп айтылат мекеменин билдирүүсүндө.

Андан тышкары Казакстандан Өзбекстанга алынып келинген макарон азыктары үчүн акциздик салыктар жоюлду (буга чейин 30 жана 50% түзгөн).

Министрликтин маалыматына караганда, 2016-жылы казак айыл чарба азыктарынын Өзбекстанга экспорту $426,9 млн. түзгөн. Өткөн жылы Казакстан Өзбекстанга 1725,2 миң тонна буудай, 4,7 млн. тонна ун, 96 миң тонна күн карама уругун, 10,2 миң тонна өсүмдүк майын жана 51 миң тонна картошка экспорттогон.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

5 + 3 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: