Актөбө шаарында сот “Ислам мамлекети” экстремисттик тобун жактайт деген шек менен жети кишини камоого санкция берди. Казакстанда ИМ тобу террордук деп табылып, ишмердүүлүгүнө тыюу салынган.
Терроризм чакырыгына шектелген жети кишини эки айга камоо санкциясы 22-апрелде чыккан. Маалыматка караганда, алар “Кастыкты козутуу” жана “Терроризмди пропагандалоо, террордук актыларды жасоого үндөө” беренелери боюнча айыпталышууда.
20-апрелде Казакстандын Улуттук коопсуздук комитети терроризмди үгүттөө жана диний кастыкты козутуу шеги менен 11 жаранды кармаган. Мындан тышкары атайын кызмат радикалдуу төрт топту жок кылганын маалымдаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ