Кыргызстанда 1-апрелге карата Улуу Ата Мекендик согуштун 647 эле ардагер калганын Эмгек жана социалдык өнүктүрүү министрлиги жар салды. Алардын ичинен майыптары 176, концлагерде туткунда болгондор 25, Ленинград блокадасына- катышкандар 28 экен. Ал эми эмгектин ардагерлеринин саны 3164. Ардагерлер 2010-жылдан бери акчалай компенсация катары 7000 сом алып келишет. Тылдын ардагерлери болгону 2000 сом алышат. Ал эми Ленинград блокадасына катышкандар, туткунда калгандарга 2010-жылдан бери 1000 мин сом төлөнүп келет. Быйыл бийлик ардагерлерибизге кандай белек берип кубантаары белгисиз. Ал эми өзбек президенти ар бир ардагерге 500 доллар жана өкмөт эсебинен ажылыкка алып барып келүүнү убада кылган.
Булак: “Фабула”
КОММЕНТАРИЙ КАЛТЫРУУ