Орусиянын «Орусия бүгүн» мамлекеттик медиагруппасы видеоматериалдарды сатып алуу боюнча британиялык Reuters агенттиги менен келишим түзбөйт. Буга агенттиктин Орусиянын АКШдагы президенттик шайлоого кийлигишкендиги тууралуу материал чыгаргандыгы себеп болду.
Reuters билдиргендей, видеоматериалдарды сатып алуу келишими буга чейин эле макулдашылган жана 1-майда күчүнө кириши керек болчу. Бирок эми келишимге кол коюлбай турган болду.
21-апрелде агенттик Орусиянын Стратегиялык иликтөөлөр институту АКШдагы шайлоого кийлигишүү планын иштеп чыкканын жарыялаган.
Reuters агенттигинин булактарынын маалыматына караганда, Орусия тараптан жалпысынан эки документ даярдалган. Бирөөсү Кремлге пайдалуу талапкердин жакшы образын калыптандыруу, экинчиси шайлоодогу мыйзам бузуулар тууралуу маалыматтарды таркатуу. Планга ылайык, керектүү талапкердин беделин көтөрүү боюнча «Орусия бүгүн» медигруппасына таандык болгон Russia Today телеканалы менен Sputnik агенттиги иштеши керек болгон.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ