Дамаскта каттуу жардыруу болуп, анын жыйынтыгында аэропорттун аймагында өрт чыкты. Жардыруунун үнү шаардын бардык бөлүгүндө угулганын Сириядагы адам укуктарын коргогон миссиянын өкүлү Рами Абдуррахман билдирди.
Сирия өкмөтүнүн өнөктөшү деп айтылып келген Хезболла кыймылына байланышы бар Ливан телеканалы кабарлагандай, жардыруу Израилдин аба соккусунун жыйынтыгы болушу мүмкүн. Израилдин куралдуу күчтөрүнүн басма сөз катчысы бул билдирүүлөр боюнча комментарий берүүдөн баш тартты. Алгачкы маалыматтар боюнча жарылуудан жабыркагандар жок.
Көтөрүлүшчүлөр тобу аэропорт жайгашкан чыгыш Дамасктагы байкоочуларына шилтеме кылып билдиришкендей, Иран колдоп жаткан көтөрүлүшчүлөрдүн пайдалануусундагы курал-жарак сакталган кампага беш сокку урулган.
Сирияда президент Башар Асаддын жана анын союздаштарынын күчтөрү менен оппозициялык күчтөрдүн ортосунда алты жылдан бери уланып келаткан жарандык согушта жалпысынан 400 миңден ашык киши өлдү. Асадды Орусия, Иран жана шийиттердин аймактык күчтөрү, анын ичинде Тегерандын жакын союздашы жана Израилдин душманы эсептелген Хезболла кыймылы да бар.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ