Тажикстан бийлиги Худжант шаарындагы абактан камактагылар качып кеткендиги тууралуу калк арасында айтылып жаткан маалыматтарды четке какты.
Өлкөнүн Юстиция министрлигинин Жазаларды аткаруу башкармалыгынын башчысы Изатулло Шариповдун билдиришинче, 3-май күнү эртең менен Согдиде айгай салынып, пландалган машыгуунун алкагында башкармалыктын кызматкерлери шашылыш чогултулган. Айтымында, жергиликтүү тургундар муну камактагылардын качып кетишине байланыштуу деп ойлошкон.
Маалыматка караганда, машыгуулардын алкагында абактан качкан кылмышкерлерди кармоо боюнча «Колго түшүрүү» операциясы өткөрүлгөн. Ага укук коргоо органдарынын кызматкерлери жана аскер кызматын өтөп жаткан жоокерлер катышкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ