Бийликтин каршы чыгуусуна карабай, 9-майда Дүйшөмбүдө жүздөгөн адамдар “Өлбөс полк” акциясына чыгышты. Милиция аларга жолтоо болгон жок.
Тажикстандын ардагер-интернационалисттер биримдигинин төрагасы Шавкат Мирзоевдин маалыматы боюнча иш-чарага 500дөй киши катышты. Анын айтымында, бийлик акцияны өткөрүүгө расмий түрдө тыюу салган эмес, тек сунуш берилген.
Буга чейин “Өлбөс полк” акциясы ислам баалуулуктарына каршы келет делинип президент бекиткен иш-чаралардын тизмесине кирбей калганы кабарланган. Бийлик өкүлдөрү саясий себептер жок экенин, чечим катышуучулардын коопсуздугун камсыздоо максатында гана кабыл алынганын билдиришкен.
«Өлбөс полк» акциясы 9-майда Орусиянын көптөгөн шаарларында жана мурдагы СССР өлкөлөрүнүн айрымдарында өтүп келет. Анда адамдар согушка катышкан туугандарынын сүрөттөрүн көтөрүп жүрүшкө чыгышат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ