Өзбекстандын президенти Шавкат Мирзиёев 11-13-май күндөрү мамлекеттик сапар менен Кытайга барат. Бул тууралуу жергиликтүү маалымат каражаттары билдиришти.
Өлкөнүн тышкы иштер министринин биринчи орун басары Жавлон Вахабовдун билдиришинче, Мирзиёевдин Кытайга болчу алгачкы сапарында соода, инвестициялар жана маданий-гуманитардык тармактарда эки тараптуу кызматташуу жана коопсуздук маселелери талкууланат.
Сапардын негизги максаты — Өзбекстан менен Кытайдын ортосундагы стратегиялык кызматташтыкты өөрчүтүү, ошондой эле расмий Пекин менен бир катар маанилүү документтерге кол коюу болуп эсептелет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ