Menu

Дүйшөмбү Брюсселде талаштуу Рогун ГЭСинин курулушун коргоодо

Бөлүшүү:

Тажикстандын тышкы иштер министри Сирожиддин Аслов Брюсселде Рогун ГЭСин куруу долбоорун коргоп, Дүйшөмбү суунун төмөнкү агымында жайгашкан өлкөлөрдүн кызыкчылыгын дайыма эске ала турганын билдирди. Өзбекстан көптөгөн жылдардан бери ГЭСтин курулушуна каршы болуп келет.

Тажик бийлиги Рогун плотинасынын курулушу аяктагандан кийин өлкөнүн калкын электр эгергиясы менен туруктуу камсыз кылуу мүмкүндүгү түзүлөт деп үмүттөнүүдө.

Плотинанын курулушу расмий түрдө өткөн жылы октябрдын соңунда, Өзбекстандын биринчи президенти Ислам Каримов каза болгондон кийин башталган. Каримов долбоордун ишке ашырылышына каршы болуп, ГЭС өлкөнүн пахта талааларына суунун келишин азайта турганын айтып келген.

Эл аралык Human Rights Watch (HRW) укук коргоо уюму дагы долбоордун ишке ашырылышын сынга алууда. Уюмдун өкүлдөрүнүн айтымынында, бийлик Рогун плотинасынын аймагында жашаган үй-бүлөлөрдү башка жерге көчүргөндөн кийин алар турак-жай көйгөйүнө дуушар болуп, азык-түлүк менен суу жеткирүүдөгү жана билим берүүдөгү мүчүлүштүктөргө кабылышы мүмкүн.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 32 − = 24

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: