Казакстандын Мангистоо облусундагы Oil Construction Company (OCC) мунай компаниясынын кесиптик кошуун төрагасы Амин Елеусинов эки жылга соттолду. Мүлкү мамлекеттин карамагына өтүп, профсоюздук ишмердүүлүк менен алектенүүгө беш жылга тыюу салынды.
Елеусиновго компаниядан уурдалган делинген 8 миллион тенгени төлөтүү милдеттендирилди.
Өкүм бүгүн Астананын Алматы райондук сотунда окулду. Сот Елеусиновдун буга чейин соттолбогону, жасаган ишине өкүнгөнү, жана күнөөсүн мойнуна алганы өкүмдү жумшартууга негиз болгонун билдирди.
Прокуратура менен айыпталуучунун ортосундагы макулдашууга ылайык, Амин Елеусинов профсоюз акчасын уурдоо жана полицияны мазактоо, ага баш ийбөө жана зомбулук көрсөтүү беренелери боюнча күнөөлөрүн моюнуна алган.
Елеусинов быйыл январда Мангистоо облусундагы мунай компаниясынын жумушчулары менен бирге Көз карандысыз кесиптик кошуун конфедерациясынын жоюлушуна каршы чыгып, ачкачылык акциясына катышкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ