Чехиянын Ческе-Будеёвице шаарынын бийлиги Иосиф Сталинге берилген “Шаардын ардактуу атуулу” наамын жокко чыгарды. Бул тууралуу өлкөнүн коомдук телеканалы кабарлады.
Сталинге аталган наам 1945-жылы ыйгарылган. Аны жокко чыгаруу боюнча талкуулар быйыл жазда башталган. Бирок калаа мэри бул демилгеге каршы чыккан эле.
Ческе-Будеёвице шаарынын “ардактуу атуулу” наамы 118 кишиге берилген. Арасында советтик учкуч Валентина Терешкова да бар. Ал тизмеге 1979-жылы киргизилген. Андан кийин “ардактуу атуул” наамы эч кимге берилген эмес.
Сталинге ыйгарылган бул сыяктуу наамдарды Чехиянын башка ири шаарлары да алып салган.
КОММЕНТАРИЙ КАЛТЫРУУ