ИИМдин өздүк коопсуздук кызматы милициянын элге болгон ишенимин жогорулатуу максатында жемкорлук, мыйзам бузуу, кызматынан пайдаланып өз кызыкчылыктарын ишке ашыргандарга карата тазалоо иштерин жүргүзүшүүдө, дейт ИИМдин Басма сөз кызматы.
ИИМдин ӨККнын кызматкерлери тарабынан жүргүзүлгөн ыкчам иш аракеттердин негизинде паракорчулук менен алектенген кызматкер колго түшкөн. Ишти оңунан бүтүрүп берүү убадасы менен 1000 (миң) доллар өлчөмүндө акча каражатын талап кылган.
2017-жылдын 19-май күнү болжол менен саат 15:30 чамасында Ош шаарынан 40 000 сом өлчөмүндө пара алган жеринен Кара-Суу РИИБнин орто жетекчи курамдагы кызматкери кармалды. Бул факт боюнча Кыргыз Республикасынын Улуттук коопсуздук кызматынын коррупцияга каршы кызматынын тергөө бөлүмү тарабынан Кыргыз Республикасынын Кылмыш жаза кодексинин 313-беренесинин 2-бөл. (пара алуу) боюнча кылмыш иши козголду. Тергөө амалдары жүрүүдө.
КОММЕНТАРИЙ КАЛТЫРУУ