Орусиялык бизнесмен Алишер Усманов оппозиционер Алексей Навальныйга экинчи кайрылуусун жолдоду. Анда ал Коррупцияга каршы күрөшүү фондунун негиздөөчүсүн Михаил Булгаковдун “Иттин жүрөгү” повестиндеги Полиграф Шариков аттуу адепсиздиктин символу болгон каарманга салыштырды.
Усманов Навальныйды “билимсиз демагог” эле эмес “жогорку чеберчиликтеги алдамчы” деп атады.
Видео кайрылуусун ал “ВКонтактедеги” жеке баракчасына жайгаштырды.
Усманов Навальный сунуштаган дебаттан баш тартып, дискуссия сотто болорун билдирди. Алишер Усмановдун доо арызы боюнча сот 30-майга белгиленген.
Навальный жетектеген коррупцияга каршы күрөшүү фонду марттын башында орус премьер-министри Дмитрий Медведевге таандык деп, бир топ мүлктөрдү жарыялаган. Анда хансарайлардын бирин Медведевге Өзбекстанда туулган орусиялык магнат Усманов белек кылганы, бул коррупция экени айтылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ