Эл башкарган президенттер ар тараптуу болору маалым. Бул жагынан Орто Азиядагы президенттердин ичинен түркмөн президенти астына бир да президентти чыгара элек, ал эл менен жолугушууга барганда элдин ал-абалын, ден соолугун сурагандан кийин дароо гитарасын колго алып же «ямахага» олтуруп: «мен бүгүн силерге жаңы ыр тартуулайм» деп өзү чыгарган ырлардан эки-үчөөсүн ырдап бүтүп, «эмки келгенде дагы жаңы чыгарган ырларымдан ырдап беремин», деп аларга абдан кол чаптыртып, жөнөй берет экен. Ал ар бир майрамда элге ырдап турат. Бул жагынан биздин ажобуз да мыкты чыкты. Ал да буга чейин гитара менен бир-эки ырын ырдаса, жакында эле энелер майрамында аларга арнап уккулуктуу ырын ырдап берди. Мындан тышкары казак президенти Нурсултан Назарбаев да домбра чертип ырдай турганын, айтыш өнөрүнө кызыга турганын билебиз. Ал эми маркум Ислам Каримов да Нооруз майрамында эли менен чогуу жакшы бийлечү.
Булак: “Жаңы Ордо”
КОММЕНТАРИЙ КАЛТЫРУУ