Трамп күйөө баласы Жаред Кушнерге толугу менен ишенерин билдирди

The New York Times кабарлагандай, Трамп күйөө баласы миллиарддаган долларларды үнөмдөөгө жол ачкан программалардын үстүнөн иштөө менен өлкө үчүн чоң иш жасап жатканын айткан.

Бул арада президент Твиттердеги баракчасында ММКларды Акүйдөн чыккан жалган маалыматтарды таратууга айыптады.

АКШда Трамптын шайлоо штабынын Орусия менен былтыркы ыктымал байланыштарын иликтөө улам тереңдеп баратат. 25-майда ФБР президент Трамптын бир тууган күйөө баласы, азыр Ак үйдүн кеңешчиси Жаред Кушнерди да текшерип жатканы билинген.

Конгресстеги демократтар Кушнердин Сенаттын комитеттеринде жана Өкүлчүлүк палаталарында көрсөтмө берүүсүн талап кылышты. Президенттин күйөө баласы Трамп президенттик кызматына кирише электе Орусия элчиси менен жолуккандыгы үчүн сынга кабылууда. Ички коопсуздук министрлигинин башчысы Жон Келли болсо Орусия менен кошумча каналдарды түзүү – жакшы идеа деп эсептейт.

Булак: “Борбор Азия жаңылыктар кызматы”