Түркмөнстандын Лебап районунда бир айда 50дөн ашуун киши “гүленчилер кыймылына” тиешеси бар деген шек менен камалды.
Түркмөнстандын укук коргоо органдарындагы булак кабарлагандай, атайын кызмат түрк лицейлеринин мурдагы бүтүрүүчүлөрүн жана мугалимдерин кармап кетишкен.
Маалыматты бийлик өкүлдөрүнө жакын дагы бир булак тастыктады. Анын айтымында, 23-апрелден бери Лебапта “гүленчилерди” камоо боюнча бир нече рейд жүрдү. Негизиген ишкерлер, түркмөн-түрк билим берүү мекемелерине тиешеси бар колунда бар жарандар бутага алынды.
“Гүленчилерди” камоо башталганы, алардын көбү бизнесмен экени алгач ирет былтыр октябрда кабарланган. Жалпысынан 150дөн ашык киши суракка алынып, кийинчерээк көбү бошотулган. Бирок ондогон адам узак мөөнөткө эркинен ажыратылган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ