Түркмөнстанда мугалимдер менен мектеп окуучуларын Азия оюндарынын башталышына 100 күн калганын белгилөө иш-чараларына катышууга мажбурлап жатышат.
Ашхабаддагы байкоочу Аманмырат Бугаевдин айтымында, мугалимдердин көбү эмгек өргүүсүнө кеткени менен, жетекчилерине иш-чараларга катыша тургандыктары жөнүндө тилкат жазып беришкен.
Андан сырткары сынактар өтүп жатканына карабастан иш-чараларга катышууга мектеп окуучулары менен студенттер дагы милдеттендирилди.
Бугаев бул окуучулар менен мугалимдер үчүн «чоң сыноо» экенин айтат. «Көлөкөдөгү абанын температурасы 40-45 градуска чейин жетип жаткан мындай ысыкта бул сыяктуу иш-чаранын эмне кереги бар? Же болбосо ага спорт тармагында эмгектенген кызматкерлерди тартуу керек» – деди ал.
Мамлекеттик маалымат каражаттары кабарлашкандай, өлкө президенти Азиаданын башталышына жүз күн калганын коомчулуктун кеңири катышуусунда белгилөөнү тапшырган.
Бул күн Азия оюндарына даярдануунун акыркы баскычы катары белгиленип, өткөн жылы майда Азиадага 500 күн калганда башталган ат жүрүшүнө туура келет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ