Өзбекстан президенти Шавкат Мирзиёев банкирлерди жана финанситтерди “бекерпоздор жана паракорлор” деп атады. Тармакта көзөмөлдүн жоктугу үчүн ал премьер-министрдин орун басары Рустам Азимовду күнөөлөдү.
Шавкат Мирзиёев банк кызматкерлери айлык эле эмес, пара дагы алышарын айтып сындады. Президенттин пикиринде, алар жарандарды үймө-үй кыдырышы керек. Себеби банктар элди ишкерликке тартууга милдеттүү.
Өзбекстан президенти эгер Рустам Азимов бул маселени катуу көзөмөлгө алганда, мындай болмок эмес деп эсептейт. “Биз экономикалык комплексти ушундай абалга өзүбүз жеткирдик. Бул жерде кожоюн жок! Аларды иштөөгө мажбурлоо керек. Эл эмнеге нааразы? Себеби бул финанситтер иштебейт. Насыя алууну сунуштап, үйлөрдү кыдырган киши эч качан эл душманы болбойт. Эч качан!”,- деди президент.
“Сен экономикалык комплекстин башчысысың, банкирлерди абийирдүүлүккө чакырышың керек эле. Эмнеге антпейсиң?! Себеби сен дагы Каржы министрлигинен коркосуң. Себеби Ташкентте отурган адам райондордугу чиновниктерди кызматтан алат. Чындыгында мен сени жумуштан бошотушум керек! Мен райондогу финансисттердин 50 пайызын иштен алам, себеби алар бекерпоздор! Абийири жоктор эмнеге жооп беришет?!”- деди Шавкат Мирзиёев.
https://www.youtube.com/watch?v=DkRUF1HMT6Q&feature=youtu.be
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ