Казакстанда сот «Трибуна. Саяси калам» гезитинин башкы редактору Жанболат Мамайдын камактагы мөөнөтүн дагы бир айга – 10-июлга чейин узартты.
Сот бул чечимин БТА Банктын мурдагы башчысы Мухтар Аблязовго чыккан өкүм мыйзамдуу түрдө күчүнө кире электиги, буга байланыштуу Мамайдын иши азырынча каралбай турганы менен түшүндүргөн.
Сотко журналисттин тарапташтары, укук коргоочулар, жарандык активисттер жана ММК өкүлдөрү келишти. Аларды имараттын ичине киргизишкен жок.
Оппозициячыл журналист Жанболат Мамай 10-февралдан бери камакта. Ал гезиттин редакциясы аркылуу мурдагы банкир Мухтар Аблязов тарабынан уурдалган делген БТА банктагы акчаларды адалдаштырууга айыпталууда. Бирок алар экөө тең бул айыптарды четке кагып, кылмыш иши саясий негизде козголгонун айтып келишет.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ