БУУнун адам укуктары боюнча Жогорку комиссары Зейд Раад аль-Хусейн Ташкенттеги ачык дискуссия үчүн Өзбекстан президенти Шавкат Мирзиёевге ыраазычылык билдирди.
Өзбекстан ТИМинин маалыматы боюнча, Зейд Раад аль-Хусейн Мирзиёевге өлкөдөгү адам укуктарын коргоону жактагандыгы, анын ичинде соттук-укуктук реформалар, өлкөдөн чыгуу визасын жоюуга ниеттенгендиги үчүн ыраазычылык билдирген.
БУУнун адам укуктары боюнча Жогорку комиссары сапар учурунда Өзбекстандагы адам укуктарын коргоону ишке ашыруудагы чакырыктар жана кыйынчылыктарды түшүнүүгө, бийликке, жарандык коомчулукка жана улуттук укук коргоо мекемеси менен эл аралык коомчулукка жардам берүү тармактарын аныктоого мүмкүнчүлүк түзүлгөнүн билдирди.
Зейд Раад аль-Хусейн Өзбекстанга 10-12-майда расмий сапар менен барган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ