Тажикстанда ири насыя мекемелеринин бири «Точиксодиротбанк» каатчылыкты жеңди. Бул тууралуу банктын өкүлдөрү билдиришти.
Маалыматтарга караганда, «Точиксодиротбанк» 2017-жылдын биринчи чейрегин киреше менен аяктады. Өкмөттүн каржылык колдоосу менен банк көйгөйлөрүн чечти жана кудуретсиздик коркунучу жок.
Каатчылыкты жеңүү жана кардарлардын акчаларын кайтаруу үчүн банк кыймылсыз мүлктөрүн – турак-жайларын, кеңселерин жана транспорт каражаттарын сатыкка койду. Мындан тышкары аманатчылардын акчалары кайтарылууда.
Тажикстандагы банк каатчылыгы 2015-жылы башталган. «Точиксодиротбанк», «Агроинвестбанк», «Тоджпромбанк» жана «Фононбанк» өнөктөштөрү жана кардарлары алдында карызынан кутула албай калышкан. 2016-жылы декабрда өкмөт төрт банкты банкроттон сактап калуу үчүн 3,8 миллион сомони (400 миллион доллардан ашуун) бөлгөн.
«Точиксодиротбонк» өлкөдөгү ири коммерциялык банктардын бири болуп саналат. Буга чейин анын жалпы капиталы 5,5 миллиард доллар экени кабарланган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ