Тажикстан парламентинин төмөнкү палатасы «Ыкчам-иликтөө ишмердүүлүгү жөнүндөгү» мыйзамга сунушталган өзгөртүүлөрдү жактырды. Ага ылайык, өлкөнүн ички иштер органдарына кош жарандыгы бар адамдарды, чет өлкөлүктөрдү жана жарандыгы жокторду жумушка алууга тыюу салынат.
Мындай фактылар аныкталган учурларда милиционерлер тез арада иштен алынат.
Мурдараак парламент кош жарандыгы бар адамдардын мамлекеттик кызматтарда жана улуттук коопсуздук органдарында иштөөсүнө тыюу салган мыйзам долбоорун кабыл алган. Андан сырткары башка өлкөнүн жарандыгы бар экенин жашыргандыгы үчүн кылмыш жазасы каралган Административдик мыйзам бузуулар тууралуу кодекске киргизилген өзгөртүүлөр дагы кабыл алынган.
Айрым статистикалык маалыматтарга караганда, акыркы жыйырма жыл ичинде 300 миңден 500 миңге чейинки тажикстандык Орусия жарандыгын алышкан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ